20, మార్చి 2010, శనివారం

ఛాయాచిత్రాలు - shadows

వెలుగు- నీడలు : అంటే నీవూ నేనూ
సగం వెలుగు సగం నీడ
సగం ఋతం సగం మనృతం
ఈ వెల్తురు ఈ చీకటి
ఈ ఇరులూ ఈ వెలుగూ
వేరు వేరు గదులు కావు
- శ్రీ శ్రీ. ఖడ్గ సృష్టి లోంచి కొన్ని పంక్తులు

వెలుగు తోనే నీడ, రెంటిని వేరు చేయగలమా ?

మగువా? మద్యమా ? వెలుతురు ?చీకటి?


వెలుగు నీడలో మధ్యలో రంగుల ఆటే కదా -జీవితం


వెలుగు రేఖలు నిండిన ఓ వేకువలో చిక్కటి కాఫీ - ఆహా !

20, ఫిబ్రవరి 2010, శనివారం

ఫ్లోరిడా ముచ్చట్లు

పోయిన సెప్టెంబర్ లో ఫ్లోరిడా వెళ్ళాము . అక్కడ డిస్నీ వరల్డ్, యూనివర్సల్ స్టూడియోస్, సీ వరల్డ్ ఇవన్నీ ఒక ఎత్తైతే..., మయామీ, కీ వెస్ట్ ఇవి ఇంకో రకం అనుభవం. ఏదైనా అమెరికా లో ఒక్కసారైనా వెయ్యాల్సిన ట్రిప్ ఫ్లోరిడా. మీరందరూ ఆల్రెడీ వీటన్నిటి ఫోటోలు చూసేవుంటారు....అందుకే అక్కడ తీసిన లో ఫోటోస్ కొన్ని మాత్రం ఇక్కడ పోస్ట్ చేస్తున్నా. ఇందులో సగం మా వారు తీసినవే.

వెలుగు జిలుగులలో డిస్నీ వరల్డ్ కాసిల్ , దాని ముందు మిక్కీ మౌస్ చేయి పట్టుకుని ఉన్న వాల్ట్ డిస్నీ. కింద కూడా బ్లూ లైటింగ్ లో అదే కాసిల్. ఫైర్ వర్క్స్ మాత్రం డిస్నీ వరల్డ్ లోనివే అన్నిటికన్నా బెస్ట్ !!

ఎడమ పక్కన ఉన్నది ఎప్కోట్ పార్క్ లో ఉండే వరల్డ్ అట్రాక్షన్- చైనా పెవీలియోన్ లో హాల్ అందం. కుడి వైపు కిందన ఉన్నది అక్కడి గోడ ఫై ఉన్నా చిప్ వర్క్


యీ కింద ఉన్న ఫోటోలో ఉన్నది డిస్నీ ఎప్కోట్ పార్క్ లో ఉన్న ఫుడ్ లౌంజ్ , భలే ఉంది కదా


అక్కడ థీం పార్కులలో ఉన్న బోల్డన్ని రైడ్స్ లో కింద ఫోటోలోది కుడా ఒకటి - సీ వరల్డ్ లోని బ్లూ రే రైడ్


కొంగ జపం- దొంగ జపం ....., ఒంటి కాలి మీద నించుని తల వాల్చేసి ఎలా ఉన్నాయో చూడండి. సీ వరల్డ్ లోని ముచ్చట ఇది.
శాము rocks!! -సీ వరల్డ్ లోని అట్రాక్షన్ కిల్లర్ వేల్ విన్యాసాలు.


తిరిగి వచ్చే దారిలో కనిపించిన మబ్బుల చాటు సంధ్యా కిరణాలు .

కింద ఫోటోలో మయామి లో ఉన్న ఒక బిల్డింగ్ . విశేషం ఏంటంటే అక్కడ కొబ్బరి చెట్లు, డేట్స్ చెట్లు, ఇంకా మన వైపు కనిపించు రకరకాల పూల చెట్లు చూసి ఎంత మురిసిపోయానో. మరి బుఫ్ఫెలో లో ఉండే నాకు కనకాంబరాలు, మందారాలు, నంది వర్ధనాలు, బోగన్ విల్లాలు కనిపిస్తే మురిసిపోనూ !!


యీ కింద, కీ వెస్ట్ దగ్గర సూర్యాస్తమయం!. అలా ఉండిపోయి చూస్తూనే ఉండాలనిపించింది .


మయామి లోని సౌత్ బీచ్, బీచ్ పక్కన రోడ్ లో ఉండే రెస్టారెంట్స్ లో ఫుడ్ బావుంటుంది.

25, జూన్ 2009, గురువారం

చాలా రోజుల తరువాత .....

మళ్ళీ నా బ్లాగాయణం మొదలుపెట్టాను. ఇప్పటివరకు పరీక్షలనీ, పనులనీ ....కాస్త వత్తిడీ ...బోల్డంత బద్ధకం. కారణాలు ఏవైతేనేం నా బ్లాగుకి comma పెట్టాను.

ఇక రెండో అంకం మొదలు పెట్టేముందు గడిచిన ఆరు నెలల్లో నా స్మృతులని, తీసిన ఫోటోలనీ మీతో పంచుకుందామని.....
జూన్ లో ఇక్కడికి గంటన్నర దూరం లో ఉన్న ఒక చిన్న ఊరికి వెళ్ళేదాన్ని రూరల్ మెడిసిన్ పోస్టింగ్ కోసం. దారిపోడుగూతా చేలు, ద్రాక్ష తోటలూ, ఘాట్ రోడ్ ప్రయాణం, ఇండియన్ రిజర్వేషన్ ఏరియా మీదుగా ,....మధ్యలో కనిపించే జింకలూ, కుందేళ్ళూ, .... భలే హాయిగా ఉండేది ప్రయాణం. ఇక ఆ ఊరిలో ఇళ్లు చిన్నగా అందంగా చుట్టూ పెద్ద పెరట్లతో, రకరకాల పూల మొక్కలతో భలే ఉండేవి. మా హాస్పిటల్ పక్కనే ఉన్న ఇంటావిడ, రొజూ వాళ్ళ గార్డెన్ లో పనిచేసుకుంటూ కనిపించేది ...అబ్బ ఎంత ముద్దుగా ఉంచుకునేదో ఆవిడ గార్డెన్ ఇదిగో కింద చూస్తున్నారుగా.

ఇక వసంతం ఛాయలు పోలేదు....అప్పటికీ.... కింద చూస్తున్నారుగా చెట్లే పూలగుత్తుల్లాగా ఎంత బావున్నాయో.... .

నేనసలు ఇక్కడి చలి కాలం భరించగలుగుతున్నానంటే దానికి కారణం ఈ అందమైన దృశ్యాల గురించి ఎదురుచూపులే. పొద్దున్నే గదిలోకి వచ్చి తట్టి లేపే నులివెచ్చని రవికిరణాలు, కొత్త చిగుళ్ళు, ఇలాటి పూల(గుత్తుల) మొక్కలు...వీటన్నిటికోసం ఎదురు చూపులన్నమాట.

ఎంత ఆహ్లాదంగా ఉండేదో వాటిని చూస్తూ ఉంటె... చుర్రుమనిపించే ఎండ అసలు లెక్కలోకి వచ్చేదే కాదు వీటన్నిటి ముందు.

ఎంత బఫ్ఫెలో అయినా సరే, చలి ఎంత విపరీతమో, ఎండా అంతే విపరీతంగా అనిపించేది. మా హాస్పిటల్ దగ్గర వీధి పేరు...


ఇక చల్లని నా గూట్లో వేసవి అరేంజ్మెంట్స్ చూద్దురుగాని.... నాకు ఇష్టమైన తాటి ముంజెలనీ, పొద్దుతిరుగుడు పూలనీ, రంగు రంగుల పిట్టలనీ గుర్తుకు తెచ్చుకుంటూ... .చిన్నప్పుడు భలే ఆశ్చర్యంగా వుండేది....సూర్యుడి తో పాటు తిరిగే sunflowers అంటే, మా చేలో అపుడపుడు వేసేవారు ఈ పంట. వాటి కళే వేరులే.

















నాకు ఎక్కడ లేని ఇంటరెస్టు పుట్టుకొచ్చేది ఫుడ్ అంటే వేసవి కాలంలో.....ఈ బఫ్ఫెలో చలి కాలం గట్టెక్కాక , కొత్త ఉత్సాహం, కొత్త ఆసక్తులు పెరిగిపోయేవి నాకు...అదేదో డిప్రెషన్ లో నించి బయటపడినట్టు. ఇల్లంతా చక్కగా అలంకరించుకేదాన్ని, బోల్డు రకాల వంటలు చేసుకునేదాన్ని, ....ఇంకా చాలా కొత్త అభిరుచులు ఏర్పరుచుకునేదాన్ని....

తిండి కూడా అదేంటో ఏంటో చాల ఎంజాయ్ చేస్తూ తినేదాన్ని....బాబోయ్, సీజన్ తో మూడ్ కూడా ఇంత మారుతుందా...
మామిడి పళ్ళు లేందే వేసవి ఉంటుందా....అమెరికా అయినా....ఇండియా అయినా....అవి మాత్రం ఉండాల్సిందే ఇంట్లో ఎప్పుడూ స్టాకు.

మర్చిపోయాను,...చిన్నపుడు ఎపుడూ బీచ్ గురించి పెద్దగా ఆసక్తి లేదు కాని...(హైదరాబాద్ లోనే ఉండటం పుణ్యమా అని), పెద్దయ్యాక వైజాగ్ బీచ్ కి వెళ్ళినప్పుడు మాత్రం ఆడుకోటానికి ఓ బీచ్ ఉంటె ఎంత బాగుంటుందో అనిపించేది. బఫ్ఫెలో పక్కన సముద్రం లేకపోయినా... చిన్న సైజు సముద్రాల్లాంటి లాంటి లేక్ ఈరీ ఇంకా లేక్ ఒంటారియో దగ్గరే ఉన్నాయి. ఫ్రెండ్స్ తో లేక్ ఒంటారియో బీచ్ కి వెళ్ళినపుడు ఫోటో ఇదిగోచ్.
ఇదీ నా వేసవి హంగామా... ఇంతేనా.. అప్పుడే ఎక్కడ అయ్యింది...ఇదంతా జూన్ వరకే నండీ ....తరువాత సంగతులు నెక్స్ట్ పోస్ట్ లో.

6, జూన్ 2009, శనివారం

గోడ మీద బొమ్మా!

నే రోజూ వెళ్ళే దారిలో బోల్డు సిత్రాలు! తిన్నగా కారు నడపకుండా నేను అటో కన్ను ఇటో కన్ను వేసి రోడ్డుపక్క కనిపించే బొమ్మలన్నీచూసుకుంటూ వెళ్తుంటా. మరలా చేస్తే డేంజర్ కదా, ఆక్సిడెంట్లు అవ్వవూ అనే మా అమ్మ తెగ టెన్షన్ పడిపోతుంటుంది. అది పక్కన పెడితే, అవన్నీ మీకు చూపించేయ్యలాని నా ఆత్రం.


ఈ రెండు ఫోటోలు మా హాస్పిటల్ కి వెళ్ళే దారిలో డౌన్ టౌన్ లో తీసినవి.



ఎడమన వున్న ఫోటోలో కారు సగం బయటికి వేలాట్టం జనాల్ని ఆ షాపు వంక ఆకర్షించటానికి, ఐడియా బానే ఉంది మరి! కుడి పక్కన గోడ మీద నయాగరా ఫాల్స్.

అబ్బో,.. ఈ షాప్ వాళ్ళకి సిగరెట్ తాగుతున్న సింహం ఐడియా ఎలా వచ్చీసిందో!!

ఎంత బుఫ్ఫెలో లో వుంటే మాత్రం ఇలా గోడలమీద కూడా
ఎక్కించేసారెవరో.

సింహ రాజం ఠీవీగా కొలువయ్యింది ఈ పాతకాలం మూడంతస్తుల భవనం మీద.
ఇటు పక్క , గోడ పై చేపల వేట !

30, మే 2009, శనివారం

ప్రకృతి ఒడిలో - లెచ్చ్వర్త్ పార్క్

ఎటు చూసినా బిల్డింగ్స్, రోడ్లు....పరుగుల ప్రయాణం లో కారు ఎక్కడం దిగటం.......వీటినించి దూరంగా కాస్త సహజ వాతావరణం లో రిలాక్స్ అవ్వాలని ఉబలాటం! అందుకే ఫ్రెండ్స్ అందరం ఇక్కడికి గంట దూరం లో ఉన్నా Letchworth నేషనల్ పార్క్ కి బయలుదేరాం. అక్కడ చెట్ల మధ్యన భోజనం, అంచెలంచెలు గా మూడు వాటర్ ఫాల్స్, కొండని తొలుచుకుంటూ ప్రవాహం.....దాని పక్కన మా నడక.....పలుచని ఎండా....ఎంత హాయిగా అనిపించిందో!
ఏసీల్లో కూర్చుని మగ్గిన గాలినే మళ్ళీ పీల్చి, air freshners తో తడిసిన గాలి కి అలవాటైన నా ముక్కు పుటాలకి నీటి చెమ్మ తో తడిసి,....గడ్డి పూల వాసన, అడవి చెట్ల కమ్మదనం మోసుకొచ్చే గాలి కొత్త గా వుండింది.





ఆ నీటి పాయ అంతోటి కొండని కింద వరకు తొలుచుకుంటూ వెళ్ళటానికి ఎంత కాలం పట్టిందో. అక్కడున్న మూడు జలపాతాలలో అప్పర్ ఫాల్స్
అన్నిటికన్నా బావుంది.
రాళ్ళ మీదుగా దిగి, నది అంచున నడుచుకుంటూ ఫాల్స్ దాకా వెళ్ళాము. అంతా పలకల పలకల రాయి, నీటి ఒరవడికి కొండ ఎలా కరిగిపోయిందో అది చూసాక అర్థమయ్యింది.

కొత్తగా మొలిచిన గడ్డి పూలు ఎంత అందంగా వున్నాయో, ...... ఎండిపోయి రాలిన pine cone కూడా అంత అందంగానే అనిపించింది.
మొత్తానికి Nature's cradle లో కాసేపు అలా వూయలూగి, పర్యావరణ-పర్యాటక శాఖ నించి రోడ్లు భవనాల శాఖకి బదిలీ అయిపోయాము.
Related Posts Widget for Blogs by LinkWithin
Powered By Blogger